مشاكل وحلول
دلوقتي انا عندي مشكله انا متجوزه من قريب يعني عن حب الحمدلله وربنا كرمني وحامل المهم من ساعه متجوزت جوزي مبيخرجش من المطبخ هو اللي بيعمل الاكل دايما هو شاطر وكل حاجه لانو كان في مجال الطبخ وكده قبل ميغير شغلو انا قولت ممكن ف الاول عشان لسه عروسه وكده بس دايما في طبع غريب يحب يطبخ بس لكن يسبلي مكانو اللي اتبهدل اغسلو. ده لو حط حبه ملح بمعلقه مش بيغسل المعلقه ويرجعها مكانها لا يرميها ف الحوض ويقولي تعالي اغسلي وكذلك المواعين بعد مناكل فأنا كنت بقول فيها يعني ي بت متغسلي يعني هو هيعمل الاكل وكمان يغسل لازم نساعد بعض مع أن هو اللي مصمم يعمل الاكل وكمان مثلا في الترويق مش بيشارك خالص كل شويه المروحه عايزه تتنفض الأرض عايزه تتكنس اكنسيها تعالي اغسلي الحمام كده وعمري مقولتلوا لا والله المهم عدت اول فتره لحد م اجازتو خلصت وبردو مفيش فايده يقولي طلعيلي مثلا الفراخ تفك ع م اجي اضربي الطماطم شويه تحضيرات وكده بس متعمليش حاجه ويجي هو يعمل وبردو يوسخ وينادي اغسل وياكل ويدخل ينام وميشلش حتي الطبق اللي اكل فيه لحد م ربنا كرمني وبقيت حامل ولسه نفس النظام انا حاسه اني مش ست البيت خالص ومدايقه ومحتاجه فرصه اجرب بنفسي واتعلم وعندي اكتئاب حمل كمان ومخنوقه جدا المهم النهارده بردو نفس الكلام جه وعمل الاكل فبقوله خلاص كفايه كده انا هكمل ي حبيبي قالي لا فاديقت وقولتله ع فكره المطبخ ممملكه الست يعني والمفروض انا اللي اعمل مش انت انت بتشتغل سبني انا كمان اشوف شغلي قام قالي هو انتي اصلا بتعرفي تعملي حاجه طب وريني شطارتك فزعلت جدا وسبتلو المطبخ وخرجت وبردو كمل هو المهم كلنا ودخل نام وطبعا المواعين اتراكمت جامد اللي بهدله أثناء الطبخ +مواعين الغدا نفسوا وبردو قعد يتفرج علي التليفزيون ونفض قولتله انا مش قادره لكل المواعين ده وبطني قدامي قد كده تعالا نقسمها عشان مش قادره اقف قام سبني ودخل اوضه الاطفال فضلت اتكلم أكني بكلم نفسي ولقيتو راح في النوم دلوقتي انا دمي انحرق اوي انا غسلتهم وانا بعيط بطني وجعتني وكمان اتغاظت انو مدنيش اهتمام ودخل نام المفروض اني بصحيه الصبح للشغل وكده وانا مش هصحيه وهسيبوا مع نفسو وكمان كنت همشي وكده بس الوقت متاخر مرديتش انزل وماما بتقولي استهدي بالله وصحي جوزك بكره يروح شغلو ومتسبيش بيتك وفيها اي مهو كلو عليكي ترويق وطبيخ وغسيل هو شال من عليكي الطبيخ يعني واخد مهام زياده علي شغلو ومسيره يزهق اعمل اي ي جماعه واصحيه بكره ولا سيبوا يعتمد علي نفسوا ومليش دعوه زي مهو مش عاملي قيمه ولا شايفني ست البيت خلاص يقوم هو بكل حاجه صح ولا انا غلطانه اعمل اي ؟
تابع المزيد لدينا
تعليقات